كشفت الفنانة أميرة هاني، عن تعرضها لوعكة صحية شديدة، خلال الساعات الماضية.
ونشرت صورة لها، عبر حسابها على موقع تبادل الصور والفيديوهات، معلقة عليها: "من غير أي دراما الصورة دي كانت من ٦ ساعات، والحمد لله أنا دلوقتي بخير وصحة".
وأضافت: "بس عاوزة أقولكوا إن قبل الـ6 ساعات دول أنا كنت بضحك بس ضغط معين عليا زيادة، الضغط خلى جسمي يفقد توازنه، واكتشفت أن الإنسان لحظة، هي لحظة ما بين الضحك وأنك تقع عشان نحمد ربنا على نعمة الصحة ونعم كتيرة إحنا واخدينها ضمان وعامةً".
وعن أسباب تأخر حالتها الصحية، أوضحت تفاصيل حالتها الصحية، مرددة: "أنا الحمد لله بفضل ربنا ودعا أهلي أنا في البيت وبضحك زي القرود، بس حبيت أقولكوا أن مفيش حاجة في الدنيا تسوى جنب صحتك وأنك تحمد ربنا على أهم نعمة هي وراحة البال ومتسمحش لمواقف سلبية بتمر في حياتنا تاخدها علي أعصابك، والدكتور قالي إني ممكن أخرج أتعشى بكرة في أحلى مكان".
واختتمت: "اللهم لك الحمد كما ينبغي لجلال وجهك وعظيم سلطانك.. مش هقصر في حق أعصابي وصحتي تاني عشان الصحة نعمة من ربنا حبيبي".
تعليقات المتابعين
وتلقت على صورتها العديد من التعليقات، حتى أن المتابعين ربطوا بين تعرضها لهذه الوعكة وبين واقعة انفصالها عن خطيبها الشهر الماضي، حتى أن أحد المتابعين قال خطيبها هو السبب.
انفصال أميرة هاني عن خطيبها
وكانت أعلنت الفنانة أميرة هاني، الشهر الماضي، عن انفصالها عن خطيبها، وذلك بالتزامن مع عيد الحب، بعد شهور قليلة من إعلان خبر خطبتها، وقالت أميرة، في منشورها عبر صفحتها الشخصية بموقع "فيسبوك": "بعد مناقشات وخلافات دامت شهور وكان آخرها ليلة البارحة بمناسبة عيد الحب قررت أبلغكوا إني انفصلت عن الشخص الذي كنت مرتبطة به في آخر عام، ووصلنا لاتفاق ليلة البارحة وهو أننا اتفقنا ألا نتفق! أتمنى له الخير وربنا يوفق الجميع بس".
وأضافت: "قرار إني single استنيت مخصوص أبلغهولكوا النهاردة في عيد الحب، وشكرًا لكل اللي باركولي بس ياريت محدش ينزل صورنا وأكيد ربنا بيعمل كل الخير".
