وجه الشاعر الغنائى أمير طعيمة، نصيحة لمتابعيه عبر حسابه على موقع التواصل الاجتماعي "فيسبوك" تخص تشجيع مباريات كرة القدم ومتابعتها والتعصب لها.
وكتب أمير طعيمة: "بما أن عندي شباب صغير كتير في الصفحة فعايز أقولكم نصيحة لوجه الله.. الكرة دي لعبة للتسلية فقط".
وأضاف طعيمة: "في الدنيا أنت كمشجع ملهاش أي تأثير علي مستقبلك ولا قيمتك بين الناس وكمان ما بتاخدش منها فلوس ولا حتى تقدر تخش النادي اللي أنت بتشجعه.. وفي الأخرة الملكين يسألوك من ربك وما دينك ومن نبيك ومش يسألوك عن ناديك ده خالص".
وتابع: "ما بقولش ما تشجعش وما تتبسطش، بس ما تخسرش صحابك ولا تقل أدبك علي حد ولا تخلي محور حياتك حاجة المفروض إنك تتسلى بيها في وقت فراغك.. الكورة والأفلام والأغاني وغيرهم دي حاجة بنتسلي بيها عشان تبسطنا مش عشان تحرق دمنا وتوقعنا في الغلط، واللي إنت بتشمته ده هيبقي خصيمك يوم القيامة أدام ربنا، ما تخليش لعبة تخسرك في الدنيا ولا في الأخرة".
