كشفت الفنانة دينا فؤاد، عن تفاصيل عن شخصية "حنان الغرباوي" في مسلسل "حق عرب"، قائلة:" تعبتني جدًا، وبذلت مجهودًا كبيرًا عشان أخرج منها وأصعب ما في شخصية "حنان الغرباوي" إنها شخصية مركبة وفيها مختلف أنواع المشاعر، ويعتبر قدمت فيها أكتر من دور.
وأضافت دينا فؤاد، خلال حوار لها عبر لبرنامج "لمن يهمه الفن" تقديم أميرة نور على نغم إف إم، أنها شعرت بالفرح جدًا بنهاية شخصية "حنان الغرباوي" في "حق عرب"، لأنها نهاية قوية وفيها تحدي كبير ليا كفنانة، والنجاح دايما بيستوقفني لأني لازم في الخطوة اللي بعديه أقدم حاجة بنفس المستوى، وده بيتوقف على الورق اللي بيتعرض عليا.
وأكدت دينا فؤادـ علي أنها في كيمياء بيني وبين النجم أحمد العوضي، بعد تعاونا من قبل في "الاختيار" و"اللي مالوش كبير"، ولما أتعرض عليا دوري في "حق عرب" فرحت جدًا بيه لأني بحب الأدوار المركبة، اللي مش بتكون فيها الشخصية ماشية على مسار ثابت، كما ذاكرت أن شخصية "حنان الغرباوي" وتخيلت تفاصيل كتير عنها، زي مثلًا مشهد النهاية لما بتتجنن وكل حاجة بتروح مني.
