كشف المخرج أحمد ثروت، نجل الفنان محمد ثروت، عن الدروس التي تعلمها من والده، مؤكدًا أن والده الفنان الكبير أعطاه أعظم درس يوم كتب كتابه.
وقال في منشور عبر صفحته الشخصية بموقع "إنستجرام": "يوم 25/ 11/ 2023.. أبويا العظيم علمنا درس في يوم كتب كتابي إن الحنين ربنا بيحن عليه".
وأضاف: "الحمد لله ربنا خلاني أشوف دموع الفرح بدل دموع الحزن اللي كانت بسبب ظروف مرضي السنة اللي فاتت دي كلها في عين أبويا وأسرتي بعد سنة من أصعب سنين حياتنا ربنا كرمني إني أقدر أفرح أهلي وأهل لمى.. أول ما شوفت الصورة دي لقيتها بتلخص وبتحكي حاجات كتير أوي، بتحكي عن أب عظيم شال عيلة كاملة فوق كتافه سنين وضحي بكل ما يمكن عشان أسرته تكون مبسوطة ومطمنة وفي أحسن حال وكان وما زال أحن أب".
وتابع: "وعن أم كان كل شغلها الشاغل ولادها وجوزها واستحملت كتير وكانت عمود للبيت كله.. وعن أخت كانت وما زالت السند والصديق في الفرح والكرب..وعن زوجة ربنا رزقني بيها فعلًا يا رب أكون أستحقها".
وأكمل: "كل اللي حابب أقوله.. إن لو ربنا كرمني بشيء حلو أو بعتلي رزق أو شفاني من مرضي فـده بسبب الخير اللي عمله وبيعمله دايمًا الراجل العظيم ده أبويا محمد ثروت..ربنا يديك الصحة ويقدرني إني أعوضك وأبدلك أي ذكرى حزينة أو صعبة بفرح وسعادة".
