وجه الرئيس عبدالفتاح السيسي الشكر للعاملين بهيئة قناة السويس على كم الإنجازات المحققة، مرددًا: “لازم نشكر الهيئة والعاملين عليها، ومقدرين حجم العمل اللي بيتعمل ومتصدقوش أي كلام يتقال عنكم، أي حاجة بتتعمل بتتم بدراسات وعن طريق مكاتب عالمية، مش وإحنا قاعدين كده”.
كما وجه الرئيس السيسي رسالة للمشككين في حجم الإنجاز المحقق بقناة السويس الجديدة، قائلًا: "إحنا كمصريين وإعلاميين ومعنيين بمستقبل مصر واستقرارها، افتكروا سنة 2014، من نفس المكان أطلقنا حفر القناة الجديدة، والتي تم افتتاحها سنة 2015، والناس ساعتها شككت في أهمية المشروع".
وأضاف السيسي، خلال احتفاله بتدشين وحدات بحرية لقناة السويس، اليوم الخميس: "هقولكم احنا ساعتها بنتكلم في 68 مليار جنيه، وحصل اكتتاب للمصريين، وفي خلال 10 أيام كان المبلغ معانا، ومن خلاله تم توفير التمويل اللازم لبداية المشروع، وحصل كلام كتير والناس قالت الدولة بتعمل إيه وتشكك في اللي اتعمل".
