قال الرئيس السيسي إن قناة السويس حققت إيرادات رغم الركود الذي يشهده العالم، متابعًا: "اللي بيتعمل النهاردة إنجاز رغم كورونا والركود العالمي، إلا اننا حققنا أرباحا ومعدلات عالية من النجاحات، والنهاردة بقول إن أنا لو حتى عدد السفن العابرة كتير، اللي بيتعمل دلوقتي بيسمح لي بزيادة أكبر في عدد السفن".
وأضاف السيسي خلال احتفاله بتدشين وحدات بحرية لقناة السويس، اليوم الخميس: “على كل أجهزة الدولة التصدي بوعي لمحاولات التشكيك في الإنجازات”، متابعًا: "باين علينا مش عارفين ندافع عن نفسنا كويس".
وتابع: "كل موضوع بنتكلم فيه له خلفية في الإعلام المناوئ، ولازم نعرض حملات التشويه ونقول الحقيقة قدام كل المصريين وده عشان المصري ميضعفش ويخاف وده اللي هما عايزينه التشكيك والإساءة".
وواصل: "واجهوا حملات التشكيك اللي بتحصل، هما عايزين يخوفوكوا ويدخلوا اليأس في قلوب المصريين، وهاتوا اللي قالوه كله، وضحكونا على اللي قالوه، وإحنا هنرد عليهم بالواقع والحقائق".
