أحيت الفنانة عايدة رياض، ذكرى رحيل زوجها الفنان محرم فؤاد، ونشرت صورة لها برفقته من حفل زفافهما عبر صفحتها الشخصية بموقع "إنستجرام".
وعلقت على الصورة قائلة: "النهاردة ذكرى وفاة محرم فؤاد ربنا يرحمه ويجعله في أهل الجنة يا رب، لما نزلت البوست الأولاني فيه ناس كتير قالتلي اعمل مجموعة بوستات عن محرم وناس قالت كلمينا عن كواليس أعماله وناس وناس كتير.. أنا بحاول أقولكم كلام فعلا هو شهادة للتاريخ وكلامي اللى قولته في البوست الأول كله جديد وحقيقي ويشهد ربنا".
وأضافت: "يعني مثلا في موضوع اكتشافه هو بنفسه قال إنه كان شغال على مسارح إسكندرية واكتشفه المنتج الكبير حسن رمزي وعمل معاه عقد احتكار على شرط إنه ميغنيش في حفلات وقعد سنة كاملة بيديله حسن رمزي مرتب من غير ما يغني أو يمثل لأنه كان صغير، لغاية ما شافه المخرج العبقري بركات في مكتب الأستاذ حسن وقال هو ده حسن المغنواتي... وكان فيلم حسن ونعيمة.. الفيلم ده كان من إنتاج عبدالوهاب وطلب محرم من عبدالوهاب إنه ميلحنش أغاني الفيلم وقاله محرم إن هو لسه مطرب صغير ومينفعش قامة زي الأستاذ يلحن له.. اختار عبدالوهاب محمود الشريف وأحمد صدقي ملحنين للفيلم لكن محرم رشح محمد الموجي لأنه بيعتبره أخوه الكبير وفعلا وافق عبدالوهاب وانا عندي تسجيل صوتي لمحرم بالكلام ده".
علاقة عبدالحليم وفاتن حمامة بالفيلم
وتابعت: "المفاجأة بقي أن الفيلم كان مكتوب لعبدالحليم وفاتن حمامة، أما حكاية أغنية غدارين من كلمات صلاح فايز وألحان محرم الحقيقة أن كان كل مطرب له شلته اللى بيشغل معاها ولما محرم لقي نجمة جديدة اتفق معاها يعملوا فيلم سوي وكل حاجة ماشية تمام فوجئ محرم بحليم والنجمة اتفقوا على فيلم ونزلوا أخبار في المجلات والجرايد ومعروف إن اللى بيروح عند حليم مبيرجعش، حكايات محرم كتير ومش هتخلص وأوعدكم إني هكمل معاكم إن شاء الله".
