كشف الإعلامي تامر بشير، عن عدد من كواليس حياته الشخصية خلال لقاء تليفزيوني منذ قليل.
وقال تامر بشير، خلال لقائه ببرنامج "سابع سما" مع الإعلامية راغدة شلهوب، المُذاع عبر فضائية "النهار"، مساء الجمعة: "أكرم حسني حبيبي، من أحلي الشخصيات اللي ممكن تقابليها في حياتك، أكرم اتقابلنا واتعرفنا وكان سبب إني أكون في الإذاعة، دا وش خير عليا".
وعن الفنان حمادة هلال، تابع: "دا أجدع واحد ممكن تقابليه في حياتك، وشخص مواقفه الحلوة معايا حلوة أووي، ومن جواه كويس عشان كدا كل حاجة طالعة حلوة بالنسبة له".
وعلق على صورة رامز جلال، قائلًا: "رامز صحاب بقالنا كتير جدًا، وعشرة عمر طويلة، ويوميًا كنا مع بعض، بس زعلان منه في موقف، في موت أبويا مجاش ومكلمنيش عزاني ومن وقتها مبنتكلمش، الموت مفيهوش كلام، هل الصح إني أصغر نفسي وأطلع أقول علي السوشيال ميديا وأقول يالي عملت وسويت لا، معملتش كدا في موت أبويا لا رامز ولا أمير كرارة، لأن دا موت أبويا مينفعش ألوم حد أقوله إنت معملتش الأصول".
وعن المخرج رامي إمام، تابع: "من الشخصيات اللي بجد من جواها أبيض أووي، بقينا صحاب عن طريق السوشيال ميديا، كم من التواضع والإحساس الحلو إللى جواه وكم الدعم، رامي إداني فرصة إن يبقي ليا أول تجربة في السينما".
