قال الرئيس عبدالفتاح السيسي، خلال المنتدى العالمي للتعليم العالي والبحث العلمي، إن لا بد من أجل تحقيق تعليم جيد، أن يكون لدينا لكل مليون مواطن متعلم 100 جامعة، متابعًا: "اتحركنا خلال السنين اللي فاتت، لكن حرصنا نعمل توأمة مع الجامعات العالمية عشان يعلمونا كويس، وناخد مسارنا ونحقق شبابنا".
وأضاف السيسي: "عشان نقدم تعليم جيد، عندنا ناس بتقدم ماجستير ودكتوراه، لكن في معارف مالهاش أشغال بحجم الناس اللي اتخرجت، التوصيات اللي قلتوها تتوافق مع بلادكم المتقدمة، لكن لسه الأمر لم يتم في بلادنا، قدامنا 15 أو 20 سنة عشان الناس تقدر تستوعب التعليم الجيد".
وتابع السيسي: "النهاردة عندي في مصر 24 أو 25 مليون طالب، عشان اديهم تعليم جيد محتاجين مجهود، في مصر، إحنا جادين بإرادة لا تلين لتطوير التعليم، اللي بنعتبره أساس البناء للدول والجودة الحقيقية، الجامعات العظيمة اللي موجودة في العالم أنتوا بتتكلموا عن حقوق الإنسان، عاوزين تساعدونا؟، ساعدونا نقدم تعليم جيد للطلاب، لو إحنا تعليمنا متواضع، لما الطالب يجي يقدم عشان يدخل جامعة عالمية، مش هايقدر يدخل الجامعة".
