احتفل أبناء الفنانة الراحلة نادية العراقية بعيد ميلادها، حيث نشروا فيديو يحمل صور ومقاطع لها من حياتها وأعمالها، كما حرس ابنها على زيارتها في قبرها وقدم لها الورود ووجبة السوشي التي كانت تحبها.
ونشرت مي محروس ابنة نادية العراقية، الفيديو عبر حسابها
الرسمي على موقع فيسبوك وكتبت: «ماما أول عيد ميلاد ليكي متبقيش جنبنا ومعانا أكيد
إنتي دلوقتي في الجنة ومبسوطة مع الملائكة وتيتا وجدو وإخواتك.. كان نفسي أقولك كل
سنة وأنتي طيبة وأبوسك وأحضنك وأعملك مساچ زي ما كنتي بتحبي».
وتابعت مي: «والله يا ماما أنا مش مستوعبة
إنك خلاص مشيتي وسبتينا من غيرك اتكسرنا من غيرك يا أمي أنا فعلاً مش قادرة أعيش من
غيرك أنا عايزاكي وعايزة أشوفك بس عارفة إنه مينفعش لأنك عند ربنا الرحمن الرحيم وأكيد
مبسوطة».
وواصلت: «شكرا يا ماما على كل لحظة عشتيهالنا
وعلى كل لحظة ضحكتينا وطبطبتي علينا أنا بحبك أوي بجد يا روحي.. دايماً كنتي بتحمينا
وحتى لما مشيتي بتحمينا.. أنا بحس بيكي حواليا وبحس بإنك بتطبطبي علينا الحمد لله ربنا
مصبرنا بس إحنا موجوعين أوي يا ماما محدش فينا مستوعب إحنا حاسين إنك مسافرة زي كل
مرة وراجعة تاني وسطنا».
واختتمت ابنة الفنانة نادية العراقية: «عمري ما كنت اتخيل اني هكتب كده ولا إني هحس الإحساس الصعب ده كنت دايماً واثقة انك هتفضلي عايشة وربنا هيفتكرني قبلك بس ربنا أراد حاجة تانية.. الحمدلله ماما الله يرحمك ويكرمك بجنته وسامحيني على أي حاجة كل سنة جاية وأنتي في الجنة وبين إيدين ربنا.. بحبك وتعاليلي في الحلم أشوفك».
وتوفيت نادية العراقية أو فاتن فتحي قبل
أيام عن عمر يناهز 57 عاما بعد إصابتها بالتهاب رئوي حاد كأحد مضاعفات فيروس كورونا المستجد.
