تصدرت الفنانة
شيرين تريند جوجل، بعد أن روت ذكريات عن عملها مع الفنان الراحل سمير غانم، قائلة إنه
كان إنسانًا بمعنى الكلمة، وإذا أجريت دراسة حول أعماله الفنية ومسرحياته سنجد أنه لا
يهين فيها أحدًا أو يضربه، وكان يحب عمله جدًا، لدرجة أنه يتفنن في كيفية تلبيس الشخصية
التي سيؤديها، وكل الأشياء التي كان يرتديها من تصميمه الخاص، ويشترك في تنفيذها.
وأضافت، خلال اتصال هاتفي ببرنامج "الحكاية" المُذاع على شاشة قناة "mbc مصر" كواليس إفيه "الصرصار" في مسرحية "المتزوجون"، قائلة: "يقولولي الفاميلي نيم بتاعي دلوقتي (شيرين صرصار)
أنا مضطرة أحب الصرصار عشان سبب شهرتي لكن مكنش حد ورا الإيفيه، إحنا كل يوم كنا بنعمل
حاجة جديدة غير اليوم اللي قبله، فيه يوم كان عندي برد وجيت أقول الصرصار مطلعتش وصوتي
قطع، فالناس ضحكت، وقالي قولتي إيه؟ فخلاني أكرره وأقوله تاني كل يوم".
وتابعت: "أنا من
حسن حظي اشتغلت معاه في مسرحية المتزوجون، وأنا مكنتش أول حد يشتغل المسرحية، كانت
الفنانة هويدا قبلي، ومعملش معايا ولا بروفة، وفضل من ربنا إن أول مسرحية أعملها كاملة
في حياتي تظل وتبقى لمدة 42 سنة، اتصورت سنة 1979، ومن فضل ربنا عليا أنها بتتعرض في
العيد، وأجيال بتتعاقب عليها أجيال".
وواصلت: "النهاردة أد ما كنت حزينة على فراقه لكن كنت سعيدة جدا بولادي دنيا وإيمي وأزواجهم حسن ورامي، كنت شايفة بالظبط سورة في القرآن إن الواحد ميقولش ده جاب بنت أو ده مخلفش أو ده ذكراه مش هتبقى موجودة، إطلاقًا".
