حلت النجمة شيرين رضا، ضيفة في برنامج "الدوبلكس" مع أبلة فاهيتا، المذاع على قناة On، وقالت خلال فقرة كارو، أنا بحب البيت والعيلة، وأنا وحيدة معنديش إخوات، وبحب دلع شيكا.
وعن إصابتها بكورونا،
قالت شيرين رضا: حسيت ببعض الأعراض وعملت مسحة واكتشفت إني مصابة، وقضيت العزل مع
قططي وعصفورتي.
وعن مؤهلها الدراسى
قالت شيرين رضا: معايا إعدادية عشان سقطت في ثانوية عامة، وسافرت أمريكا كملت
دراستى بره، لكن في مصر معايا إعدادية بس، واتعلمت من والدى أن يكون عندى صبر
وأفهم الناس اللى قدامى، واتعلمت من والدتى الترتيب.
وأشارت إلى أنها لا تجيد الرقص الاستعراضي، متابعة: " أعرف أرقص مع صحابي لكن معرفش أرقص على المسرح وبابي كان بيعلمني جمباز وأنا صغيرة".
وتابعت: "عرفت إني قمر وأنا صغيرة كل حد كان عايز يبوسني ويقرصني".
وعن بدايتها الفنية،
قالت: "بدايتي كانت مع الإعلانات، طارق نور شافني في العجمي وعرض عليا أصور إعلان، وبالفعل قبلت وصورته أنا وصاحبتي، وسيبت الإعلانات وسافرت أمريكا عشان سقطت
في الثانوية العامة"، سيبت إعلانات وروحت أمريكا عشان سقطت في
امتحان الثانوية العامة.
وتابعت: "في أمريكا صاحبت بيلي أيدل
مغني الروك المعروف، وكنت بدرس فاشون ديزاين في أمريكا، وبابا رجعني مصر تاني
بالفوازير عشان كان عارف إني لو مرجعتش الفترة دي مش هرجع تاني".
وعن زيجاتها، قالت: "تزوجت عمرو دياب وهو رومانسي، كان بيغني لي لما كنا متجوزين وبيغني لي كل الأغاني عامة".
وتابعت:" قعدت سنتين بعد طلاقي من عمرو
دياب واتجوزت تاني واطلقت، وخلاص بطلت أتجوز".
