حظيت رسالة الفنان تامر حسني لزوجته المغربية بسمة بوسيل، للإعلان عن عودتهما وكشف خلالها سبب المشاكل التي أدت إلى إعلان زوجته الانفصال عنه، حالة تفاعل كبيرة بين رواد مواقع التوصل الاجتماعي.
وتم تداول الرسالة بشكل كبير عبر صفحات مواقع التواصل الاجتماعي، وأصبحت أمنية لدى كثير من المغردات بأن تجد شخص يخبرها بحبه الشديد لها رغم تهورها على غرار تامر حسني.
ومن التعليقات التي جاءت في هاشتاج يحمل اسم "تامر حسني": "حبيت كلام تامر حسني عن مراته وتمسكه بيها وفكرة إنه متكسفش كفنان إنه ينزل حاجه زي دي علشان بس يرد عليها ويبين قد إيه هو بيحبها.. حقيقي بحترم الراجل اللي ممكن يعمل أي حاجة علشان يحافظ علي بيته ومن غير تلكيك وأعذار ده علشان الاختيار صح من الأول الحب بيبان في الزعل».
وغرد أخر: «تامر حسني طلع مثال للأدب والشياكة والتربية العالية والله»، وغيرها من التعليقات التي دارت حول رسالة تامر لزوجته.
ووجه تامر حسني لزوجته رسالة قال فيها: «مش هزعل منك وأنا ضهرك وسندك مهما حصل، ويا ريت تركزي مع الناس اللي دعولنا ودعوا لولادنا، وشكرًا لكل الفنانين اللي سعوا للخير لينا».
وأضاف: «بسمة حبيبتي للأسف إنتي مفكرتيش كويس، وسلمتي ودنك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلى اللي عرفتيني وحبتيني بيها، إزاي وصلوكي للزعل والبعد فترة، المهم أنا مش هزعل منك ولا يرضيني زعلك، إنتي حبيبتي وأم ولادي، أنا ضهرك وسندك مهما حصل».
وتابع: «بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة ما بينهم، وياريتها مشكلة أصلا، ربنا جعل ما بينا مودة ورحمة عشان كده للاسف إنتي عارفة إن فيه ناس في طبيعتهم حب خراب البيوت، ومش هنخلص منهم، بس إنتي اللي هتخلصي من فكرة إنك تسمعيهم مع إنك ماكنتيش كده».
