أشادت الفنانة داليا البحيري عبر حسابها بموقع تبادل الفيديوهات والصور انستجرام، بالعرض المسرحي "حاجة تخوف" للمخرج خالد جلال.
شكرًا دكتور خالد جلال ربنا يسعدك ويوفقك
ونشرت داليا البحيري مجموعة صور من كواليس العرض معلقه: "لما تحضر مسرحية للمخرج الكبير صانع النجوم دكتور خالد جلال يبقى خليك متأكد إنك حتشوف عمل فني جديد في كل شيء، حتضحك وتبكي وتنبهر وتحزن وتفكر وتسقف كتير كتير أوي، حتشوف مصر الولادة وتفرح بشبابها الموهوب اللي مفيش منه في أي مكان في العالم، كل اللي ينقصه هو حد يؤمن بيه بجد ويديله شوية إمكانيات بسيطة وشوف أحلى شباب واتفرج على الإبداع".
وأضافت البحيري: "شكرا دكتور خالد جلال ربنا يسعدك ويوفقك زي ما بتسعد الناس، أنت عظيم شكرا صديقتي الجميلة الإعلامية حنان مفيد فوزي على الدعوة الجميلة، وحقيقي انبسطت جدا جدا بالعرض، وخصوصا بشريف حليم اللي عمل هو وكل زمايله عظمة، حاجة تخوف مسرحية متفوتكوش على مسرح مركز الإبداع في دار الأوبرا المصرية".
