أوضحت الفنانة نبيلة عبيد، سبب الفترة التي اختفت فيها عن الساحة، قائلة: "كانت فترة واخدة على خاطري من نفسي، أوقات الإنسان بيكون صريح جدًا مع نفسه فيبتدي يحاسب نفسه في كل حاجة بيعملها".
وأضافت الفنانة نبيلة عبيد خلال لقائها ببرنامج "حوار صريح جدًا" الذي تقدمه الإعلامية منى الحسيني عبر قناة "ماسبيرو زمان": "مش عيب الواحد يغلط ويتعلم، كان فيه غلطة أو غلطتين على مدار حياتي الفنية، لكن غلطة الشاطر بتبقى كبيرة".
وتابعت: "كنت حاسبة حساباتي لكن النتيجة خالفت حساباتي، لكن كان فيه مجاملة وجاملت بشكل كبير، وكان يوجد بعض الاستفسارات وسألت فيها لكن لم آخذ الردود كما ينبغي".
وأردفت "اللي حصلي في فيلم "الراقصة والسياسي" من نجاح جعلني أفكر أنا هعمل إيه بعد كده، لأن كم المكالمات اللي جاتلي يوميًا أثناء عرض الفيلم كانت تجعلني أضع يدي على خدي وأقول لنفسي وبعدين أنا هعمل إيه بعد كده".
