الشاعر خالد تاج الدين لمهاجمى مطربى المهرجانات: "مش هتعرفوا تعملوا زيهم"

دافع الشاعر الغنائي خالد تاج الدين، عن مطربي المهرجانات حمو بيكا، حسن شاكوش، وعمر كمال، بعد انتشار صورة لهم على السوشيال ميديا وهم بجوار سيارات فارهة وأرقام لوحاتها بأسمائهم.

ونشر "تاج الدين"، صورة لأبطال أغنية "أنا في البلد دي عضمة"، عبر حسابه الشخصي بموقع التواصل الاجتماعي "فيسبوك"، وعلق: "باشا.. أنت اللي بتسمعه وأنت اللي بتشيرله وأنت اللي بتمنشن صحابك في بوستاته، وأنت اللي في فرحك وفرح أصحابك بترقص على أغانيه، وأنت مش هتعرف تعمل زيه عشان دي موهبة".

وأضاف: "حمو بيكا دمه أخف منكم، عمر كمال صوته أحلى منك واختياراته عجبت الناس، الذوق العام بقى دي حاجة مش في إيده ولا في إيدك، دي حاجة اسمها ذوق ناس.. وحش بقى أو حلو مش قصتك أنت.. روح شوف بتعمل إيه".

هجوم حاد من قبل رواد مواقع التواصل الاجتماعي

وتعرض عمر كمال وشاكوش وبيكا إلى هجوم حاد من قبل رواد مواقع التواصل الاجتماعي، بعد انتشار الصورة بشكل كبير على كل المنصات، حيث ظهر الثلاثي يقفون بجوار سيارات مكتوب أسمائهم على اللوحات، سيارة عمر كمال تحمل لوحة "ع م ر 1" وحسن شاكوش سيارته بلوحة "ح س ن 666"، وحمو بيكا "ح م و333"، وذلك أثناء تصوير كليب "أنا في البلد دي عضمة".