ناشد الفنان تامر حسني، جمهوره، عبر حسابه على موقع التواصل الاجتماعي "فيسبوك"، الدعاء لأهل فلسطين في ليلة القدر.
ليلة القدر خير من ألف شهر
كتب تامر حسني: "صباح الهنا على أغلى الناس، مين عارف جايز تكون ليلة القدر إن شاء الله، إيه رأيكم نكثف الدعاء وندعي لبعض كتير من أول اليوم لآخره، لفت نظري شرح جميل من الدكتور عمرو خالد عن سورة القدر، وتحديدًا آية (ليلة القدر خير من ألف شهر)، يعني الليلة دي أفضل تقريبًا من ٨٤ سنة، تخيل ربنا يغفرلك عمرك كله ولو عندك كل السنين دي".
وأضاف: "يلا يا جماعة مين عارف مش جايز بدعاك النهاردة ربنا يفرح قلبك العمر كله، ويحققلك اللي نفسك توصله، ويبدل حالك وحال اللي بتحبهم، ويسامحك على كل الذنوب اللي أنت متخيل إنه مش هيسامحك عليها".
وأردف: "ادعوا يا جماعة ربنا غفور ورحيم، وندعي جامد أوي أوي أوي لأهل فلسطين الله يسترهم وينصرهم ويعوض صبرهم ويحفظ كل شعوبنا العربية ومصرنا الحبيبة، ربنا يتقبل منا جميعًا إن شاء الله".
