كشفت الفنانة نور قدرى، حقيقة الأخبار التي ترددت بشأن وفاة والدتها، وذلك عبر حسابها الرسمي بموقع "التواصل الاجتماعى"، فيسبوك.
وأكدت قدري أن الأمر شائعة ليس لها أي أساس من الصحة، وكتبت: "يا جماعة اللي نزل خبر وفاة أمي ده خبر غير صحيح امي الحمد لله كويسه ربنا يديها الصحه ويخليها لينا وياريت الساده الصحفيين يبقي في دقة في كتابة الخبر ويتأكدوا، إنتوا مش متخيلين لما أفتح الموبايل ألاقي خبر زي ده".
وأضافت: "أنا كنت بصور وراجعة نايمة ولسه صاحية، وكم تليفونات، ممكن يحصل إيه ليا ولا لحد من أهلي من الخوف والرعب.. أنا كنت هموت.. يا رب ما حد يشوف حاجة وحشة أبدًا".
يذكر أن، نور قدري بدأت حياتها كممثلة فى برامج الأطفال ومقدمة برامج الأطفال، وحصلت على بكالوريوس معهد الموسيقى العربية، ثم اتجهت إلى التمثيل، وعملت في مسلسلات "الرجل المنتظر" و"العمة نور"، وقدمت بعض الأغاني من خلال شركة روتانا ومنها (مين سمعك، هتسمع قريب أوي).
