شاركت أسما شريف، ابنة الفنان شريف منير، بمجموعة صور جديدة تجمعها بطليقها والد ابنتها لارا، وجهت من خلالها رسالة شكر له.
وعلقت أسما شريف منير: "الأب المحترم، السند والضهر، دي ذكريات بحوشهالك عشان تعرفي قد إيه باباكي راجل وأب حقيقي بمعنى الكلمة، واقف مهتم بكل خطوة كأنه كأس العالم، لازم أديك حقك عشان الناس تتعلم منك يعني إيه انفصال محترم وتحضر ووجود في حياة ولادنا".
وأضافت: "ربنا يبارك في عمرك ويخلينا ليها دايمًا".
وتابعت: "لعبتي حلو أوي النهارده، حقيقي فخورة بيكي، ربنا يحفظك يا نور عيني".
وكانت أسما شريف منير نشرت مقطع فيديو وهي تحلق شعرها، عبر حسابها على إنستجرام، وعلقت: "شعري بقاله فترة بيقع جامد، ده غير إن من كتر العمايل اتحرق، وبقي مش صحي خالص، وقررت أنفذ قرار كان بقالي كتير أوي نفسي أخده.. أبدأ من جديد، وأحرر نفسي، وأفتح صفحة جديدة، حقيقي هو قرار صعب جدا بس حسسني بقوة وتفاؤل".
