وجه الرئيس عبدالفتاح السيسي رسالة للمشككين في الإنجازات التي تمت على أرض الواقع، قائلًا: "إن الله لا يصلح عمل المفسدين"، وإحنا لو مصلحين وبنمي ونطور وعايزين نعيّش أهلنا كويس لازم تكونوا متأكدين إن ربنا بيساعد".
وقال السيسي خلال كلمته الختامية باحتفالية تدشين الوحدات البحرية الجديدة بقناة السويس: "أنتو شايفين على مدار السنين اللي فاتت، أنتو الوحيدين اللي نجيتوا، لك الحمد يا رب لك الحمد".
كما وجه الرئيس عبدالفتاح السيسي الحكومة بإصدار حوافز لرجال الصناعة والمصدرين، لتحفيز العمل والوصول لأرقام أفضل.
وقال الرئيس عبدالفتاح السيسي، إن مصر نجحت في تحقيق مسيرة التنمية بدعم الأشقاء في الخليج.
وأضاف خلال الاحتفال بتدشين وحدات بحرية جديدة لقناة السويس: "اتعمل دعم لمصر من دول الخليج والتي لولاها مكنتش الدولة هتكمل وبعترف بفضل الناس، عشان لو كان سابك وقتها مكنتش هتلاقي وقود في المحطات".
وواصل: "دعم الأشقاء في الخليج ساعد مصر على الاستمرار في البناء والتنمية رغم التحديات، الأشقاء وقفوا معانا وقفة كبيرة لمدة 18 شهرًا، والمشتقات بتيجي من غير مقابل لمصر، ولا جينه اتدفع، كل شهر أكثر من 1300 مليون دولار، من الأشقاء العرب".
وتابع: "وأنت بتتكلم خلي بالك، هتبقى شايل وزر كبير أوي لما تخربها، وبرده خلي بالك وأنت بتعمرها هتاخد أجر كبير من الله وليس من بشر، واللي بنتمنى ننول رضاه ويقبل عملنا".
وعن الانتقادات التي طالت حجم الدين الذي بلغته الدولة المصرية، أكد الرئيس أن كل حدث مرت به الدولة كان له تأثير بالغ مدمر على الاقتصاد المصري.
وتابع: "ما حدث في 2013 كان له تأثير مدمر على اقتصادك، حوالي 450 مليار دولار وكان كل ده له تأثير على حاضر ومستقبل مصر".
ووجه رسالة للمصريين قائلًا: "الإجراءات لا بد على الجميع من تحملها، ومينفعش طرف واحد يحل المسألة، لازم كل المصريين تشارك فيه وكلنا نتحمل نتائج وتبعاتها".
