وجه الرئيس السيسي رسالة للمشككين بحجم الإنجاز المحقق بقناة السويس الجديدة، قائلًا: "إحنا كمصريين وإعلاميين ومعنيين بمستقبل مصر واستقرارها، افتكروا سنة 2014، من نفس المكان أطلقنا حفر القناة الجديدة، التي تم افتتاحها سنة 2015، والناس ساعتها شككت في أهمية المشروع".
وأضاف السيسي خلال احتفاله بتدشين وحدات بحرية لقناة السويس، اليوم الخميس: "هقولكم إحنا ساعتها كنا بنتلكم في 68 مليار جنيه، وحصل اكتتاب للمصريين، وفي خلال 10 أيام كان المبلغ معانا، ومن خلاله تم توفير التمويل اللازم لبداية المشروع، وحصل كلام كتير والناس قالت الدولة بتعمل إيه وتشكك في اللي اتعمل".
وتابع: “اللي حصل ده فرصة للي عايز يدافع، المثال أمام الجميع وواضح ومش محتاج كلام كتير، الرقم اللي اتلم من المصريين كسبنا أكتر منه بكتير خلال السنين اللي فاتت”، موضحًا: "قناة السويس الجديدة ساهمت في زيادة دخل القناة".
وواصل: "الناس بتتكلم كأن الدولة بتشتغل بشكل عشوائي، ومش عارفين حاجة وهما اللي عارفين، والكلام مهم نقوله دلوقتي، المشروعات الجديدة لقناة السويس يتم تمويلها من إيرادات الهيئة".
