نشرت الفنانة ليلى أحمد زاهر، صورة لها عبر موقع التواصل الاجتماعي "إنستجرام"، لتعبر لجمهورها عن مدى تقديرها واحترامها لجميع رسائل التهنئة التي تلقتها بمناسبة عيد ميلادها.
ليلى زاهر بعيد ميلادها
وحرصت ليلى على طلب الدعاء من محبيها عبر السوشيال ميديا بعد إصابتها بمتحور أوميكرون، قائلة: «عايزة أشكر كل واحد خد من وقته دقيقة وبعتلي وفرحني في عيد ميلادي وخصوصًا الفانز، بجد أنا كنت ببذل كل جهدي إني أشوف كل الفيديوهات إلى إنتوا عاملينها ومافوتش ولا فيديو.. حقيقي أنا بحب كل حاجة بتعملوهالي وأصلًا إنتوا أي حاجة منكم حلوة بجد شكرًا قوي على مجهودكم الكبير، إنتوا عندي حاجة كبيرة ومهمة قوي».
وتابعت: «كان نفسي النهاردة أكون بحتفل مع أهلي وأصحابي بس للأسف أنا إيجابي أوميكرون ودي تالت مرة، مرتين كورونا والمرة دي أوميكرون، بس الحمدلله، أكيد متضايقة وتعبانة أكتر مرة بس ادعولي أخف بسرعة وبحبكم قوي شكرًا من قلبي».
إصابة ليلى زاهر بأوميكرون
وتفاعل الجمهور مع المنشور، وكان من بين تلك التعليقات الفنان الكبير أحمد زاهر قائلًا: «سلامتك يا روح قلبي من جوة وإن شاء الله تخفي بسرعة وتبقي زي الفل، وهعملك عيد ميلادك بعد ما تخفي.. وعد».
