كشفت الإعلامية إيمان رياض، عن معاناتها مع السمنة خلال فترة زمنية معينة من شبابها مؤكدة أنها كانت تهدد مستقبلها كمذيعة، مما دفعها لمتابعة أطباء تخسيس كثيرين.
ونشرت إيمان صورة لها في الوقت الحالي مقارنة بأخرى في وقت سابق وتظهر فيها بوجه ممتلئ عبر صفحتها الشخصية بموقع "إنستجرام"، وعلقت عليها قائلة: "مامي بعتالي الصورة دي على الشمال النهاردة وبتقولي مين دي؟ باباكي بيقولي ده انتي بس أكيد لاء! شكلها نسيت الفترة دي من حياتي رغم أني كنت لسا ما اتجوزتش وعايشة معاهم بس أنا ما نسيتش! فاكرة كويس أوى لفي على الدكاترة وأنا بحاول أخس.. فاكرة نظرة الناس ليا وأنا بقولهم نفسي أبقى مذيعة فاكرة إحساسي وأنا واقفة قدام المرايا مش لاقية لبس يليق عليا فاكرة حبي للأكل اللي كانت أكبر من حبي لنفسي ولصحتي!".
النظام الذي اتبعته إيمان رياض
وأضافت: "فاكرة رد فعلي لما حد بيقولي لازم تخسي وألاقي نفسي من غيظي بأكل أكتر! فاكرة كمان الفترة الفارقة إني أخدت قرار مش هقول لحد إني هعمل رجيم علشان ما حدش يركز معايا.. وأقنعت نفسي إني مش مستعجلة على الخسسان وإني هقبل نفسي زي ما أنا وهحبها أكتر.. وبدأت وحدة وحدة أغير تفكيري ومشاعري ناحية الأكل! وأقوي إرادتي وكأني بنسحب وحدة وحدة من حياة حبيبي اللي بيؤذيني وأنا مستسلمة! شغلت نفسي بحاجات تانية غيره، ووحدة وحدة مش فاكرة قد إيه من الوقت وصلت لوزني دلوقتي.. اللي مش مثالي برضه بس راضية عن نفسي و رافعة شعار: "الرجيم نظام حياة " مش دايت قاسي لفترة وبعدين أرجع تاني!! دي تجربتي باختصار حبيت أشاركها لكم يمكن تفيد حد".
