دعا الدكتور محمد الباز، رئيس مجلسي إدارة وتحرير جريدة "الدستور"، بالتبرع بأموال الحج هذا العام لمصاريف الزكاة المختلفة، مشيرًا إلى أن أوجه الخير كثيرة عند الله، وقد يكون بعضها أفضل عند الله من أداء الفريضة، خاصة للشخص الذي حج مرة واثنتين من قبل.
وأضاف الباز خلال برنامجه "مش حسبة برمة" المُذاع على راديو "نغم إف إم": "ناس كتير ربنا حقق لها مرادها إنها تروح وتؤدي فريضة الحج مرة واتنين وتلاتة، وفي ناس كتير كانت عاوزة تروح السنة دي ولم تتح لها الفرصة، إيه رأيهم لو الأموال اللي كنتم راصدينها كلها تخرج لوجوه الخير، ووجوه الخير كتير وبتزيد خاصة في الظروف الاقتصادية الصعبة اللى بنعيشها".
وتابع: "الأموال الكثيرة دي المحتاجين أولى بيها، والرسول صلى الله عليهم وسلم اختصر الدين كله في كلمة (الدين المعاملة)، وعشان كده لو أحسنت معاملتك مع الناس أعتقد ده هيكون أفضل عند ربنا كتير".
