عزة مصطفى تهاجم حازم شومان بسبب دعاء الامتحانات: «كفاية نصب باسم الدين»

شنت الإعلامية عزة مصطفى، هجومًا حادًا على الداعية السلفي حازم شومان، لتحريضه الطلبة على الاعتماد على الدعاء بدلًا من المذاكرة.

وقالت عزة، خلال تقديم برنامج "صالة التحرير" المذاع عبر فضائية "صدى البلد": "لما ألاقي هذا الرجل بيروج لدعاء ينجح الطلبة حتى لو مفتحش كتاب، هذا ضلال وتضليل وكذب واستهتار بعقول الناس، واستهتار بالأدعية، وبتعمل كل حاجة محترمة وغير محترمة عشان تحقق مشاهدات".

وأردفت عزة: "حضرتك بالشكل ده تبقى نصاب، وكفاية بقى ارحمونا من النصابين باسم الدين، وأرجوا من الطلبة وأولياء الأمور يبقى عندهم وعي وفهم، لازم تقفل الفيديو وتقول إن الرجل بيضيع وقتك، ادعي لكن بعد ما تخلص مذاكرتك".

ولفتت إلى أن منشور حازم شومان حقق قرابة 2 مليون مشاهدة.