علق الإعلامي تامر أمين على خسارة المنتخب أمام كوريا الجنوبية، قائلا: “مش عارف إيهاب جلال مستني إيه، كنت متوقع النهاردة لو أنا مكانه، خاصة بعد كم الهزائم الفادحة وما قيل في حقه من اتحاد الكرة ومن جمال علام نفسه عن تغيير الجهاز الفني وبحثه عن بدائل”.
وأضاف تامر أمين، خلال تقديمه برنامج آخر النهار، المذاع عبر فضائية النهار، “أنا لو مكانه بحترم نفسي وأستقيل”، لافتًا إلى أنه استغرب ما قاله إيهاب جلال في المؤتمر الصحفي بأن النتيجة لا تعبر عن الأداء، كما أن الأداء كان جيدا، معقبًا: "مش عارف إيهاب جلال كان بيتفرج على أى ماتش".
واستنكر تامر أمين الإجازة التي سيأخذها إيهاب جلال، قائلًا: “عايز إجازة من إيه يا كابتن إيهاب.. ده أنت بقالك 6 أيام بتدرب.. حد يدرب 6 أيام وياخد عليهم إجازة أسبوع.. يعني أنا اللي مهري في شغلي كل يوم المفروض آخد 60 سنة إجازة.. مش عارف مين اللي وافق له على الإجازة؟ ولا هو بياخد إجازة من نفسه.. المدير الفني هل يأخذ الإجازة من تلقاء نفسه أم أنه ينسق مع اتحاد الكرة الذي يوافق له عليها؟ إيه الكوبانية اللي إحنا شغالين فيها دي”.
