علقت الفنانة ريهام حجاج، على عروس كفرالدوار، والتي تصدرت مواقع التواصل الاجتماعي خلال الساعات الماضية ودافعت عنها بسبب الانتقادات التي تعرضت لها.
وقالت ريهام حجاج، في منشور عبر صفحتها الشخصية بموقع "فيسبوك": "هو ليه الناس علي السوشيال ميديا بيستبيحوا سيرة الناس ويسعوا لخراب البيوت؟".
وأضافت: "عروسة بتتكلم مع جوزها في وجود عيلتها في كتب الكتاب (سواء الأسلوب عاجبك أو مش عاجبك) انت ليه اصلا تقول رأيك السلبي إللي ممكن يخرب بيتهم وتنشره علي إنه ا بتهزئه وتحول فرحتهم لكابوس.. وممكن يكون في احتمال نص في المية أن مش قصدها أو دي طريقتها في الكلام واكيد هو عارف وبيتجوزها وحاببها زي ما هي؟!".
وتساءلت: "تعرف ظروفهم منين؟ مواقفهم؟ عدوا بإيه سوي في الخطوبة!! إيه إللي خلاها تقول كدا اصلا!! دخليات الناس ماحدش يعرفها.. بتشيلوا ذنوب والله.. دا إللي ربنا قال عليه في القرآن الكريم.. من يفرق بين المرء وزوجه.. أتقوا الله.. افهموا الفرق بين حرية الرأي والأذية، افهموا الفرق بين اللي ممكن نتكلم فيه واللي مالوش لازمة التدخل فيه من الأساس ستحاسبوا أمام الله علي كل دا".
قصة عروس كفرالدوار
وانتشر في الساعات الأخيرة فيديو لعروس كفرالدوار، خلال عقد قرانها وهي تطلب من عريسها قبل التوقيع على العقد: "أنا وثقة في ربنا وفيك أنك هتكون خير الزوج والسند والصاحب، ومندمتش في يوم إني اخترتك، بالعكس كنت أعظم وأفضل انتصاراتي في الحياة".
وأضافت: "هطلب منك طلب، زي ماهشيل أهلك في عيني هتشيل أهلي في عينك، والصغير في عيلتي قبل الكبير، ومع احترامي لكل أهلي، أمي، ثم أمي ثم أمي".
