"مبحبش أبقى عادى".. تامر عبدالمنعم: "راحت عليا فى التمثيل"

حل الفنان تامر عبدالمنعم، ضيفًا على الإعلامية داليا فؤاد، في حلقة جديدة من برنامج "ضرب نار"، والمُذاع على قناة "القاهرة والناس"،  مساء اليوم الأربعاء.

وكشف الفنان تامر عبدالمنعم، عن سر اختفائه خلال الفترة الماضية، قائلًا: "موجود في شغلي في وزارة الثقافة، وكان عندي فيلم ومسلسل بس كنت بعيد عن الأضواء، بس أحيانًا الأضواء مبتبقاش مناسبة في وقت ما فنبعد عنها شوية، اللي اتعود على الأضواء مبيعرفش يسيبها بسهولة بس أنا بعرف".

وعلق على سؤال: "آخر فترة كنت بتكتب أكتر ما بتمثل زهقت من الكاميرا ولا إيه؟"، قائلًا: "بدايتي كانت كاتب سيناريو خدني التمثيل والصدفة لعبت فيه جزء كبير وجه وقت أن أكتب، فمحتاج أعمل رصيد في الكتابة، مفيش شيفت كارير اتغير ولا حاجة، بس الرسم البياني بتاع التمثيل سريع وبينزل وممكن يطلع وكل مرحلة عمرية والشعر الأبيض، كان ليا وقت وممكن نقول راحت عليك، فلازم تعد روحك لو عايز ترجع، أو تبعد ومبحبش أبقى عادي".

وردًا على سؤال: "خايف تامر عبدالمنعم يتقال راحت عليه؟"، قال: "هي راحت عليا فعلًا، ومبخفش، تمثيليًا الوقت بتاعي 2003 و2002 لغاية 2010".