حل الفنان مصطفى شعبان، ضيفًا على برنامج «حبر سري»، الذي تقدمه الإعلامية أسما إبراهيم عبر فضائية «القاهرة والناس»، مساء اليوم الإثنين للكشف عن عدد من كواليس حياته الشخصية.
وقال شعبان، إن من قالوا إن مسلسل ملوك الجدعنة غير مناسب للأسرة بسبب الألفاظ والمشاهد الجريئة لم يشاهدوا العمل من الأساس لأنه عكس ذلك تمامًا، متابعًا: «كان في مفردات مختلفة بس مش جريئة ولا تضايق، بس مكنتش ترويج للبلطجة، بس احنا بقينا حساسين أوي تجاه أي حاجة غريبة، أي اتنين في الشارع يمكن يتخانقوا عادي بقينا متسرعين في الحكم والنقد».
وعلق على سؤال "الناس استغربت إزاي مصطفي شعبان وعمرو سعد في عمل واحد ممكن تقولي الكواليس؟"، قائلا: «ممتازة جدًا، إحنا محترفين، نعرف بعض من أيام يوسف شاهين وبينا علاقة كويسة وكان سهل علينا نشتغل مع بعض وإحنا ولاد مدرسة واحدة، الروح دي اللي خليتنا نوصل للناس ودا مش عمل لي لوحدي ولا لعمرو دا عمل مشاركة».
وعن سؤال: «عندك رخصة قيادة للسفن؟»، أوضح: «ليست سفن وإنما لانشات بحرية، ده نشاط وبحب المغامرة وبحب البحر، لما اشتريت لانش بالقسط، طلع عايز رخصة طلعت له رخصة».
وعن سر الخلاف مع أحمد السقا: «دا زيرو خلاف، يمكن زمان أيام مافيا كان في حساسية شوية، بعض الإعلاميين سخنونا على بعض، إنما حاليا بروحله المزرعة، وبيجيلي وبيشوف الخيل عندي».
