حل النجم هيثم سعيد ضيفًا على الإعلامية داليا فؤاد في حلقة جديدة من برنامج "ضرب نار"، المُذاع على قناة “القاهرة والناس”، مساء الأحد، ليكشف عددًا من كواليس حياته الشخصية.
وعلق علي سؤال: "اختفاؤك خسرك كتير؟"، قال: "من وجهة نطرهم خسرني كتير، أنا مليش جمهور بس الأغاني ليها جمهور، مفيس ألتراس لهيثم سعيد، أنا اللي الجيل اللي كان بيسمعني دلوقتي خلف وعليه أقساط وشقيان، مش جيل بيمسك الموبايل ويعمل لايك، بس أنا شايف إن أنا كسبت حاجات كتير قعدت مع ولادي في سنينهم الأولي وعرفتهم وعرفوني، وكسبت مراتي لما اتحطيت في أزمة وقفت في ضهري وعرفت أنها مش متجوزاني عشان أنا هيثم سعيد".
ورد على سؤال: "بيقولوا مطربي المهرجانات نجحوا أكثر منك؟"، قال: "النجاح إيه، حاليًا فيوز وكدا مينفعش أقارن هما مالهم بينا يا ليل من غير إنترنت وسوشيال ميديا ولا فيسبوك، وتفضل عايشة لحد دلوقتي، حط نفسك في الوقت ده وشوف، دا لما أبوالشواكيش طلع قالهم الفلاشة معقدة ناس كتير، عقدت ناس مين أنت مش فاهم حاجة خالص".
وأجاب عن سؤال "بيكا مطرب زميل؟"، تابع: "ما هو تعريف مطرب، طرب تطربي تأدية تؤدي فأنت تؤدي، هاني شاكر بينقذ ناس من حاجة هما مش فاهمين خطورتها، هيفهموها لما ابنك اللى عنده 6 سنوات يبقي عنده 16 سنة وواقف يتكلم معاك".
وأكمل: "نجاح ويجز بيفكرني بنجاح عمرو دياب جدًا ودي مقارنة بعيدة، التكملة دي شيء مهم وإنك تفضل فترة طويلة مش فترة وقتية وضربات كلها في السقف، حالة عمرو دياب محدش عملها غير ويجز، ده أغنية البخت دخلت تريند 6 علي العالم ضمن 10 أغاني الوحيدة مش مصورة وهو عاملها في أوضة وصالة".
