حل النجم هيثم سعيد ضيفًا على الإعلامية داليا فؤاد، في حلقة جديدة من برنامج "ضرب نار"، المُذاع على قناة “القاهرة والناس”، مساء الأحد، ليكشف عددًا من كواليس حياته الشخصية.
وقال الفنان هيثم سعيد: "صحابي الأعزاء ليا في الوسط الفني هما ضهري أجيال مختلفة والجيل الأكبر مني علي طول، زي محمد محيي قريبين من بعض في الجيل الموسيقي، نفس الدماغ تقريبًا، وصابر الرباعي كان جاري في لبنان وصديق عزيز جدًا إحنا صحاب وإخوات".
وعلق علي سؤال: "ضربت ست قبل كده؟"، قائلًا: "الحمد لله أنا معاكستش ست قبل كدا في حياتي، مبزقش حد عايز يتصور معايا أنا مبحبش الالتحام الجسدي على فكرة، فيه معجبة احتديت عليها، جت وأنا بعدي أنا ومراتي الشارع مزقتهاش أنا احتديت عليها، بتقولي أنت بتخوني، أضرب ست ليه أستغفر الله العظيم، أنا عندي بنت".
ورد على سؤال: "اتخنت قبل كده وحصلك أزمة نفسية؟" قال: "آه آخر مرة اتخنت فيها كنت في تالتة إعدادي، الأزمة النفسية اللي حصلت، لما حسيت إن أنا بتقيم بشغل مش في إيدي، دا إلا حصل وخلاني أوقف أن مش عايز أغني".
وأجاب عن سؤال: "احكي آخر سبب خناقة كبيرة بينك وبين مراتك؟، قائلًا: "كنا بنشتري حاجة من مكان في سوق فيه محلات كتير جمب بعض بس مش مول، متعود في المول تسيب ليا البنت الصغيرة، عملت كده وإحنا في المحل بنتي متعبة فقولتلها يلا نمشي فاتعصبت عليا فكنت هأكلها في نص الشارع دي آخر خناقة كبيرة واللي حلها أبوها وأمها".
