حل النجم هيثم سعيد ضيفًا على الإعلامية داليا فؤاد، في حلقة جديدة من برنامج "ضرب نار"، المُذاع على قناة “القاهرة والناس”، مساء الأحد، ليكشف عددًا من كواليس حياته الشخصية.
وقال الفنان هيثم سعيد: أه أنا ينطبق عليا مقولة محمد هنيدي في فول الصين العظيم ”ساعات اظهر ساعات اختفي" دا حقيقي عشان أن ابتديت غناء صغير، فأول ما عملت أعمال متتالية مخدتش نفس النجاح محبتش يكون تقيمي لنفسي، أو تقيم الآخرين ليا مش فني صرف محبتش ابتدي حياتي كإنسان كدا.
وعلق على سؤال: "كرهت نجاح أغنية هما مالهم بينا يا ليل؟"، قال: "مكرهتوش، نجاح الأغنية مبعتبروش نجاح ليا بعتبره نجاح للأغنية تحول بعد كدا نجاح ليا حقيقي بس ده خد مجهود شوية، بس دا ساعدني أعرف أنا نفسيًا فين".
ورد على سؤال: "ما هو الفرق بين المصرية واللبنانية؟"، قال: "لا مفيش فرق كل واحدة لها قيمتها ولها طريقتها، بس يمكن اللبنانية بيكون تركيزها الأول إن أنت تكون مبسوط وبعيدة عن فرض السيطرة، والست المصرية مش نكدية، ومن الحاجات اللي بشوفها في الست المصرية مبدأ إنك اتجوزتي واحد كأنك اصطادتي غزالة وتحطيها في البيت، لا ده مش لطيف".
