كشفت الفنانة دينا الشربيني، عن عدد من كواليس حياتها الشخصية خلال برنامج تليفزيوني منذ قليل.
وقالت الفنانة دينا الشربيني، خلال حوارها ببرنامج "حبر سري"، مع الإعلامية أسما إبراهيم، على قناة القاهرة والناس، مساء اليوم الخميس: "أنا قولت الثقافة الجنسية أول علاج للتحرش، قولته زمان كان تفكيري في حتة كدة محدش بيعرف يتكلم فيها وهي البنت لو فاهمة بطريقة علمية، هتعرف تقرر إيه الحاجات اللي لازم تتعمل والولد يقعد جنب البنت على إنها أخته".
وتابعت: "علموا الناس الموضوع ده في بنات مثلًا وهي بتتجوز مبتكنش عارفة حاجة، ومامتها تتكسف تتكلم معاها، علميها عشان تبقي فاهمة، التحرش بالعين، مش لازم لفظي، أي واحدة في الشارع اعتبر إن دي أختك".
وعلقت على سؤال: "إيه الأفضل الثقافة الجنسية ولا عقاب رادع للمتحرش؟"، قالت: "هو كدا كدا لازم يتعاقب، لأن دي حاجة وحشة أوي، يمكن يبقوا مش فاهمنها أو مش حاسينها، بس الموضوع التاني مهم برده، أنا بتصعب عليا الناس، بس لازم الكل يعرف إنك لو عملت كدا بجد هتتعاقب مش سهلة ممكن يعمل لوحده مشكلة مش عادية".
