كشف الإعلامي أحمد موسى، عن أكبر سبق إعلامي على مدار السنوات السابقة.
وأضاف خلال تقديم برنامجه "على مسئوليتي" المُذاع عبر فضائية "صدى البلد"، مساء الأربعاء، أنه كان أمس في الشيخ زويد بشمال سيناء، وعرف من خلال مقابلة مع الأهالي ما حدث في السبع سنوات السابقة، مشيرًا إلى أنه قريبًا سيذيع حلقة خاصة من الشيخ زويد والعريش ورفح في سبق للبرنامج.
وتابع: "فخور ببلدي بعد أن طهرت القوات المسلحة المصرية شمال سيناء من معاقل الإرهاب، الأهالي قرروا يسيبوا بيوتهم، ورجعوا، وشرحوا إزاي قتلوا شيوخهم وأطفالهم، اسمع واعرف بلدنا كانت رايحة على فين، فاكرين قسم شرطة الشيخ زويد بعد ما كانوا عايزين يرفعوا الراية السوداء على القسم".
وأكمل: "متسمعش غير اللي راح، متسمعش الناس التانية هننقل الحقيقة كاملة مشيت على الطرق اللي تنظيمات الإرهاب تستعرض عليها قوتها العسكرية، شوفناها رايح جاي، فاكرين لما كان يقولك البرث كمين الرفاعي، والكتيبة 101، والأحراش الأمن المركزي، كل دا أنا شوفته إمبارح، دلوقتي بيتعمل إنجاز حقيقي وتنمية حقيقية في شمال سيناء، بدأت الناس تزرع وبقى عندهم حياة تانية".
