قدم الدكتور عمرو الورداني، أمين الفتوى بدار الإفتاء المصرية، مجموعة نصائح لإخراج أحسن ما في داخل الناس.
وقال الورداني خلال تقديم برنامج "ولا تعسروا" المذاع على القناة "الأولى": "عشان تخرج أحسن ما في الناس، اديله فرصة، متكبسش عليهم، وتحسسه إنه متهم، الزوج لما يحس إنه متهم ممكن يستخدم العنف، الزوجة لما تحس إن زوجها مش فاهمها تخرج عن السيطرة".
وأضاف: "أدوا فرصة للناس تعبر عن نفسها، وأنت بتتعامل مع الناس اديلهم فرصة متحسسهمش إنهم متهمين، فرصة تقول الحقيقة وهي مش مكسوفة تقولها، وأنتو بتسمعوا الناس ميبقاش همكم تبينوا أد إيه هم مقصرين".
ونصح الورداني الزوج بالاستماع لزوجته وشكرها على النصيحة لا تعنيفها، مردفًا: "الزوجة لو ممكن تقول لزوجها لو قلت العبارة بشكل مختلف مكنش هيضايقني، يقولها شكرا النقطة دي مخدتش بالي منها، ربنا يبارك لي فيكي، لازم ناخد كلام الناس بصدر رح".
وختم الورداني: "خلي الجوهر يطلع، أحسن جوهر هو الطيابة، متخافش تبقى طيب، حاول تكون صادقا وخدوما وحنينا على الناس، يجب أن نكون قادرين نملك نفسنا ولا نحكم على الناس ونشوف نفسنا بعيون الجمال".
