كشف الفنان حكيم، عن طقوسه لاستقبال شهر رمضان، مؤكدًا أنه يقيم خيمة رمضانية في منزله الـ30 يومًا يدعو فيها إخوته وأقاربه وأصدقائه على السحور والفطار.
وقال، خلال حواره في برنامج "ملوك الزحمة"، تقديم لينا صالح، الذي يذاع عبر "شعبي إف إم": "بتخن جامد فى رمضان ولازم أكتر حاجة تبقى موجودة فى الفطار السوبية والقطايف، وموضوع الأكل مش بيشغل بالى خالص، أنا باكل أي حاجة قدامي، مش أكيل أوي ممكن آكل أي حاجة حتة جبنة ونص رغيف، مليش طلبات في الأكل أنا بحب الحلويات".
وأضاف: "أنا مودي بيتغير بسرعة بين اللحظة والتانية مع إني برج الميزان مش عارف ده له علاقة بالبرج ولا عيب فيا، وعمري ما عملت عيد ميلاد وولادي بيجيبولي تورتة وخلاص والسنة الجاية ممكن أعمل عيد ميلاد".
من يشبهه في أولاده؟
كما تحدث عن أولاده خلال الحلقة، قائلًا: "علي ابنى شبهي شكلا، عمر شكلي أوي، وأحمد مش أوى، مريم تلاغي بلد في وقت واحد قريبة أوي للناس، ولادي ملهمش دعوة بالفن خالص بس لو حد عنده الموهبة هشجعه".
واستعاد ذكريات الكلية، مؤكدًا أنه كان يطبخ لأصحابه دائمًا، ومن أهم الأكلات التي يجيدها الملوخية، الأرز، المكرونة.
