أعربت السيدة سهيرعلي، زوجة الشهيد عريف محمد نبيل قطب، عن سعادتها بلقاء الرئيس عبدالفتاح السيسي خلال الندوة التثقيفية الـ 35 للقوات المسلحة.
وقالت زوجة الشهيد عريف محمد نبيل قطب، خلال مداخلة هاتفية ببرنامج آخر النهار، المذاع عبر فضائية النهار، الذي يقدمه الإعلامي تامر أمين، “النهاردة أنا هنام مستريحة لأني قابلت هذا الرجل”.
زوجة الشهيد محمد قطب: قبلة الرئيس تاج فوق رأسي
وتابعت: "كان أملي أشوفه وأقابله.. قابلته أكثر من مرة في المعارض.. لكن السلام كان من بعيد لبعيد.. لكن هذه المرة مختلفة..حسيت كأنه بمثابة الأب أو الأخ والابن.. أعز هذا الرجل جدا.. هو تاج فوق رأسي".
وأردفت: "محدش بيعزه أدي.. محدش يقدر يتكلم عليه.. هو حاجه تانية بالنسبة لي.. بعتبره ابني البكري"
وأكملت: "ربنا يخلي الرئيس لنا ويبعد عنه الشياطين والأفاقين ويبعد عنه كل حاجة وحشة.. كل ضباط الجيش بمنتهى الجمال.. والمهم إننا نخاف على مصر وتراب مصر".
احتفالية يوم الشهيد
وشهد الرئيس عبدالفتاح السيسي، الندوة التثقيفية الـ 35 للقوات المسلحة بمناسبة يوم الشهيد، وتحدث الرئيس عبدالفتاح السيسي، عن معاناة أهالى الشهداء، قائلًا: "فراق الابن أو الزوج أو الأب صعب.. بشكر اللى قدموا العرض الدرامى عن تضحية الشهداء.. الكلام ده قولتله قبل كده.. يا مصريين.. اللقطة دى أو الفقرة دى.. ده ثمن كبير أوى اندفع علشان كلنا نعيش.. فأقل تمن ندفعه أننا نحافظ اللى هما ضحوا من أجله.. شبابنا زينة شباب مصر من كل حتة.. من جيش وشرطة وقضاء.. حتى المواطنين العاديين".
