قال الفنان محمود البزاوي، إنه نشأ في أسرة فقيرة وكان والده يعمل كعامل في شركة مصر للغزل والنسيج في المحلة بأجر شهري 15 جنيهًا فقط، معقبًا: "كان بيعلم رجالة وكلنا اتعلمنا، وكان فيه بيت مفتوح وصرف وملابس وجرايد وكتب، ولما كبرت وجاتلي فلوس عمري ما حملت همها، وكنت عارف أنها هتيجي".
وفند «البزاوي»، خلال استضافته ببرنامج «في المساء مع قصواء»، الذي تقدمه الإعلامية قصواء الخلالي، والمذاع على فضائية «CBC»: "دلوقتي لما يجيلي 100 جنيه زيادة بكون سعيد، وطموحي كله إني أنام وأصحى ألاقيني برضا وصحة وحالة نفسية جيدة، الفلوس مش هتعمل حاجة أكتر من كده".
أعماله الفنية في رمضان 2022
وأوضح أنه سيشارك خلال شهر رمضان المقبل 2022 في عملين دراميين أحدهما باسم جزيرة غمام للكاتب عبدالرحيم كمال، وعمل فني آخر رفض الإفصاح عنه.
وتابع: "عبدالرحيم كمال كاتب تثق فيه وفي الكلام اللي بيتقال على لسانه، وأنا حابب أكون لسان حاله دايمًا، وأنا بثق في المبدعين أوي وهو منهم".
وكشف أن حلمه حاليًا هو الإخراج السينمائي، حيث إنه قد أخرج الكثير من الأعمال المسرحية بالرغم من عدم تمثيله على المسرح، معقبًا: «أنا لما بكتب بكتب بإحساس مخرج أوي وبكون خايف لأنها مرعبة بالنسبة ليا، بس ده حلم وبشوف أني ممكن أحققه، وحد قالي اكتب حاجة ليك واخرجها قولتله مش هعرف».
