قال المهندس عمرو خطاب، المتحدث باسم وزارة الإسكان، إن التنمية لا تكتمل بمحور واحد.
الطرق شريان الحياة
وأضاف متحدث الإسكان خلال مداخلة هاتفية ببرنامج "آخر النهار" المذاع عبر فضائية النهار، الذي يقدمه الإعلامي تامر أمين، أن الطرق هي شريان الحياة، لافتًا إلى أن الدولة المصرية وضعت خطة متكاملة للقضاء على التكدسات المرورية.
وأوضح المتحدث باسم وزارة الإسكان، أنه تم إنفاق ما يقرب من 400 مليار جنيه على مشروعات البنية التحتية.
وأكد أن الرئيس عبدالفتاح السيسي دائم التوجيه بإنشاء المشروعات الخدمية لتحقيق التنمية بالمشروعات القومية السكنية.
يذكر أن الرئيس عبدالفتاح السيسي شهد افتتاح مشروعات قومية جديدة فى مجال الإسكان، حيث شهد افتتاح مشروعات إسكان مصر وجنة وإسكان اجتماعى.
وأكد الرئيس عبدالفتاح السيسي، أن هناك ثقافة يجب تغييرها فى التعامل مع البناء، متابعا: "المواطن من غير ما يقصد.. يلاقى حتة أرض جنب بيته يبنى خلاص".
وأضاف الرئيس السيسي، خلال كلمته في افتتاح مشروعات قومية جديدة: "بقولها لكل المصريين.. وأرجو أنكم تسجلوها كويس وتفكروا فيها كويس.. اللى معاه قرشين.. يروح يبنى أي حاجة.. أنا بشوف حجم العمارات وحجم الإشغال اللى فيها.. لو معاك قرشين تعالي في العمارة بتاعتك 5-6 أدوار وأنت مش هتسكن فيها.. لو انت معاك فلوس وحطيتها في البنك ده هيوفر لك عائد مناسب.. انت تبني على أرض زراعية.. أو أرض مش بتاعتك.. اللى تبني عليه مش هيجيب حاجة.. دى ثقافة عندنا.. حتى الريف.. يبنى دور ولا دورين.. ومش محتاجه دلوقتي ويحتاجه كمان 15 سنة من اجل أولاده.. لازم نتجاوز النقطة دي.. مواطنين وشعب.. حجم كبير من المساكن اللى بشوفها على الدائري مش مسكونة.. مفيش شباك راكب".
