أثارت الفنانة عايدة رياض، الجدل بعد آخر منشور لها عبر حسابها الرسمي بموقع تبادل الصور والفيديوهات، "إنستجرام".
عايدة رياض تعيد كتابة أحد مشاهد فيلم "شقة مصر الجديدة"
ونشرت عايدة رياض صورة لها مع الفنانة غادة عادل، من فيلم "شقة مصر الجديدة"، وأعادت كتابة المشهد، كالآتي: "-علفكرة العريس اللي قلتلك عليه خلاص مش هتجوزه
=ليه ؟
-غيرت رأيي
=فجأة كده ولا كلامي أثر عليكي ؟!
-لأ انا اللي قررت ده بنفسي.. تتصوري اكتشفت ان فيه واحدة صاحبتي معجبة بيه
=بس كل فولة وليها كيال
-عندك حق
=بصي اقعدي ومدي شروطك عمر الجواز ما هيفوتك، انا اتجوزت واتطلقت مرتين ولسه بتشرط، حقي.. أهم حاجة انك تعيشي حياتك، فرفشي واتبسطي وحبي
-أحب ؟؟
=ايوا حبي.. ياريتني أبقى في سنكم
-كنتي عملتي ايه ؟؟
=كنت عملت اللي متعملش".
الأمر الذي اعتبره الجمهور والمتابعين، تلميحا عن انفصالها عن حبيبها الذي أعلنت عن وجود علاقة تجمعهما في آخر ظهور إعلامي لها، حيث أعلنت عن دخولها في قصة حب جديدة عبر الانترنت.
ما قصة حبيبها الجديد؟
وكانت قالت الفنانة عايدة رياض، إنها في مستهل علاقة عاطفية مع مصري يحمل الجنسية الأمريكية، لم يسبق لها رؤيته، لكنه يتواصل معها هاتفيًّا.
وأضافت خلال لقائها ببرنامج "كلام الناس" على شاشة "mbc مصر"، منذ أيام: "أحيانًا الواحدة بتحتاج مكالمة تليفونية مع حد يقعد يتكلم شوية.. هو بيكلمني كتير سواء من أمريكا أو لما بييجي مصر".
وتابعت: "مش عارفة ليه مش بنتقابل.. هو زعل مني جدًا، كلمني أكتر من مرة لكن بيكون عندي تصوير أو ظروف صحية.. المود بتاعي مكانش حلو.. مكانش فيه دافع للمقابلة".
وأكملت: "قالي إنتي مش معقولة تكوني مشغولة للدرجة دي.. إنتي أكيد بتحبي حد وفيه حد في حياتك.. فعملتله بلوك وفكيته واتكلمنا تاني.. دماغي مكنتش مستحملة".
