لطفى لبيب: حركتى أصبحت صعبة وأتفهم عدم اختيارى للأدوار

قال الفنان القدير لطفي لبيب إن حركته أصبحت صعبة، وأصبح من الصعب عليه الوقوف، لذا يتفهم عدم اختياره للأدوار.

أضاف لبيب، خلال لقائه الإعلامية إنجي القاضي، في برنامج "مساء dmc" المذاع عبر فضائية "dmc": "مبقتش قادر أدي زي الأول، التمثيل بالنسبة لي يكاد يكون مينفعش حد يبعت لي، هيجيبوا ممثل قاعد؟ الحركة بالنسبة لي بقت صعبة، وأنا مقدر الناس، وراضي جدًا".

لطفي لبيب: الكتابة عوضتني عن التمثيل

ولفت إلى أن الكتابة عوضته عن أشياء كثيرة جدًا: "مفيش نص فنان، إما قادر أمثل أو مش قادر، والتمثيل حالة وأسلوب حياة مش وظيفة بنخلص شغل ونروح ننام، دلوقتي مقدرش أشتغل واتجهت للاستمتاع بأولادي وأحفادي، لازم أشبع من أحفادي وأولادي".

وكشف لطفي لبيب عن أنه يحب "جو اللوكيشن": "قضيت فيه 40 سنة من عمري، بحس بالبهجة والسعادة لما أبقى فيه".