كشف الفنان تامر حسني، عن أول صور لفيلمه الجديد "بحبك"، الذي تشاركه البطولة فيه الفنانة هنا الزاهد.
وقال تامر في تعليقه على الصور عبر صفحته الشخصية بموقع "إنستجرام": "مساء الهنا على أغلى ناس على قلبي أنا دي صور من أول يومين تصوير لفيلمنا الجديد (بحبك) طبعًا فيه ناس هتقرا اسم الفيلم بحبِك وناس هتقراه بحبَك دا طبعًا مقصود عشان في درامة الفيلم هنبحث طول الوقت عن مدى صدق كلمة بحبِك من الرجل للأنثى وبحبَك من الأنثي للرجل في أحداث فعلًا محيرة جدًا".
وأضاف: "الفيلم أكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم والمستقبل الجميله هنا الزاهد ومبسوط إني أول من اكتشفها في بداية حياتها وفي الفيلم دا بكتشفها تاني وبقدمها بشكل جديد عليها وعليكم ومبسوط جدًا لمشاركة حبيب قلبي نجم الكوميديا الكبير حمدي المرغني اللي هيعمل إن شاء الله شغل رهيب في الفيلم كعادته الجميلة وللأسف لسه مصورش علشان انزل صوره بس في أول يوم تصوير له ههريه صور".
نجمة جديدة تنضم للفيلم خلال أيام
وتابع: "انتظروا بعد أيام انضمام نجمة جميلة مميزة من نجوم المستقبل اللي هيكون ليها مستقبل كبير ان شاء الله، وفرحان جدًا بإنضمام الفنان الموهوب أو ي مدحت إسماعيل اللي عامل دور زي العسل وربنا يكتبله فيه كل النجاح ويكرمه ويكرمنا معاه / الفيلم من انتاج حبايب قلبي واصدقاء العمر … سينرچي احمد بدوي / تي ايتش برودكشن حسام حسني / سكاي ليميت أحمد الدسوقي".
تعليق هنا الزاهد على كلام تامر
وردت هنا الزاهد على كلام تامر حسني قائلة: "انا اللي مبسوطة جدا والله، شكرا على كل تفصيلة بتقولهالي وعلى تعبك ومجهودك كمخرج وممثل في نفس الوقت وإن شاء الله ربنا يكرمنا ويرزقنا يا رب".
أول ظهور لتامر بعد شائعات الحادث
وكانت الأيام الأخيرة قد شهدت الكثير من الشائعات حول تعرض الفنان تامر حسني لحادث خطير ودخوله في غيبوبة ويعد هذا أول ظهور له بعد هذه الشائعة.
