علقت الفنانة فاطمة عيد على واقعة القبض على الصيدلي أحمد أبوالنصر، الشهير بطبيب الكركمين، لاتهامه بحيازة أعشاب وأدوية مجهولة المصدر بالشيخ زايد الذي شاركته في الإعلانات التجارية الخاصة بالمنتج.
العلاج بأعشاب الكركمين
وقالت في مداخلة هاتفية خلال برنامج "كلمة أخيرة" الذي تقدمه الإعلامية لميس الحديدي على شاشة "أون إي": “الإعلان ده مش معمول إمبارح اتعمل من خمس سنوات وتمت إذاعته كتير خمسين مرة، الناس لما قالت ليه تشاركي فيه؟ قلتلهم خلاص وقفوه بطريقتكم وأنا ماخدتش فيه أسود ولا أبيض أصلًا كنت رايحة عشان جوزي عنده خشونة في رجليه للعلاج عند الدكتور أحمد أبوالنصر”.
وأكملت: “لما رحنا طلبوا مني أعمل إعلان للمنتج وعملته بلا مقابل من خمس سنوات وعالجه بالفعل من خشونة الركب.. واللي اتعالج عليه ده عبارة عن كركم موجود في كل بيت”.
والتقط أطراف الحديث زوج الفنانة فاطمة عيد "شفيق" قائلًا: “إعلان فاطمة من خمس سنوات وكنا رايحين عشان أعالج خشونة الركبة، مضيفا: كان عندي خشونة جامدة والأدوية التقليدية كانت صعبة على المعدة ولما عرفت العلاج بالكركمين من خلال الإعلانات على التليفزيون فرحنا نجرب ونفع معايا”.
واصل: “إداني مسحوق أحطه على الزبادي نصف معلقة على علبة الزبادي ولما خفيت طلبوا من الحاجة فاطمة إعلان قالت هعمله كادوه، وبقية الأعشاب اللي بيستخدمها منعرفش عنها حاجة خالص تعاملنا كان في الكركمين بس”.
