أكد الدكتور محمد الباز، رئيس مجلسي إدارة وتحرير جريدة "الدستور"، أن منظومة البرامج المدفوعة بحاجة إلى إعادة نظر، حتى لا تتكرر واقعة فبركة مكاملة هاتفية للدكتور مجدي يعقوب، مشيرًا إلى أن فبركة المداخلة الهدف منها النصب وليس مجرد لقطة.
وأضاف الباز خلال برنامجه "مش حسبة برمة" المُذاع على راديو "نغم إف إم": "المذيع اللى عمل الفبركة واضح إن دي سبوبة، لأنه في برنامج آخر على قناة الصحة والجمال عمل نفس المداخلة وفبرك نفس المداخلة لمجدي يعقوب لكن محدش خد باله، والموضوع إن العيال دي منتمية لجمعيات، وبيستغلوا تلك المداخلات عشان يجمعوا تبرعات".
أين من قام بانتحال صفة الدكتور مجدي يعقوب؟
وتابع: "يعني إيه برنامج يفبرك مداخلة، وإيه اللى يخلي حد طبيعي يفكر إنه يفبرك مداخلة، ويجيب واحد على إنه حد تاني ومش أي حد تاني ده مجدي يعقوب، واللي لازم نسأل فيه هو الراجل اللى انتحل شخصية مجدي يعقوب فين؟".
وأوضح: "ده برنامج مدفوع حد بيروح يشتري هوا ويطلع يقول اللى هو عاوزه، ومفروض المجلس الأعلى للإعلام يتحرك تجاه المنظومة كلها ولازم يكون في ضوابط، والمسألة لازم تحال للنيابة العامة لأن دي عملية نصب منظمة".
