قال محمد شعبان، والد المطربة بوسي، إن ابنته لم تستجب لاستغاثته المتكررة بشأن حالته الصحية والمادية، موضحا أن بعض الأشخاص قالوا له إنها أنكرت كل كلامه وأنه لم يحدث كما ذكره.
وأضاف محمد شعبان، خلال مداخلة هاتفية لبرنامج "خط أحمر" الذي يقدمه الإعلامي محمد موسى على قناة الحدث اليوم: "خليها تنكر براحتها، هي عايزة تسيب أبوها تعبان كده، كفاية فضايح، ولادي التانيين زعلوا مني إني طلعت واتكلمت عنها في أكثر من فيديو، قولتلهم أنا تعبان وإنتوا مبتسألوش ولا تعرفوا عني حاجة".
وتابع والد المطربة بوسي أنه لديه 4 بنات بالإضافة للفنانة بوسي و"أن كل واحدة منهم مشغولة في بيتها وعيالها ومحدش بيسأل عليا منهم، ومش عايز منهم حاجة، ولا حد بيزورني، أنا كل أسبوع بروحلهم أسأل عنهم وأمشي بس".
بوسي ساعدتني بـ ألفين جنيه
وأردف: "أنا عليا 17 ألف جنيه ديون، وكنت منتظر بوسي تبعتلي فلوس عشان أسددهم، بس للأسف هي مبعتتليش غير 2000 جنيه بس".
