وجه الدكتور محمد الباز، رئيس مجلسي إدارة وتحرير جريدة "الدستور"، رسالة إلى الإعلامي عمرو أديب بعد مطالبه أمس للمصريين بدعمه في حال حدث له شيء وشمت فيه الإخوان.
وقال، خلال برنامجه "آخر النهار" المُذاع على
قناة "النهار": "عمرو كان مخضوض ومفزوع من رد فعل الإخوان وشماتتهم
في وفاة وائل الإبراشي، وبعض من يعومون على أمواجهم، وقال أديب وهو متأثر لو حصل
له حاجة الناس متسيبوش الناس تنهش في لحمه".
وتابع: "عاوز أقول لعمرو أديب أجمد لأن شماتة
الإخوان في أي حد في صف الدولة المصرية في الجزمة، وشيء مفروض لا يفزعنا ولا
يغضبنا لأن اللى مش واخد باله منه عمرو أن الإخوان بيمارسوا نوع من الإرهاب بالموت
أو المرض وكأن اللي بيموت ده غضب من ربنا، الموت ده حق ودي سنة الحياة الناس بتمرض
وتموت".
وواصل:
"نحن حق وهم باطل، إحنا انحازنا إلى الوطن وهم انحازوا إلى أعداء الوطن، دي
ناس شردوا في الأرض جزاء خيانتهم تم طردهم وبيتسولوا في بلاد الدنيا وبياخدوا
تمويل، ولو كان دعاؤهم مستجاب كانوا يدعوا لنفسهم".
واختتم رسالته:
"الموت قدر من ربنا ومحدش هيحمي حد، دي جماعة خاصمت كل معاني الإنسانية وكل
معاني الأخلاق والأديان اللي ربنا نزلها والالتفات لهم أو الخوف منهم لا يصح".
