شريف منير عن فيلم «ريش»: «مؤذى جدا»

كشف الفنان شريف منير عن سبب خروجه من عرض فيلم «ريش» في مهرجان الجونة، قائلا: «الفيلم مخلي شكلنا مش حلو بشكل أوفر، شكل مؤذي، عايشين في قذارة رهيبة وشكل مش حلو».

وأضاف شريف منير خلال مداخلة هاتفية ببرنامج «الحكاية» المذاع عبر فضائية «إم بي سي مصر»: «اتخنقت من الفيلم وتعبت، حتى العشوائيات مكنش المنظر ده، اتضايقت إنه اتعرض في الخارج وحصد جوائز».

وأردف: «رأيي وأنا حر، حاجة متزعلش حد، منبسطش من الفيلم، مش شايف أي إبداع، فقط فيلم متعب، وناس كتير تعبت منه، ومش شايف الصورة دي في بلدنا».

وعن مشاركته في فيلم كيت كات، الذي تناول الحياة في العشوائيات، قال منير: «الفن ينقل الواقع مجمل، لا ينقله كما هو، أما ريش بإحساس فيلم تسجيلي روائي قصير، عايز أعرف النقاد فهموا إيه عشان يختاروه، عايز أعرف الرسالة عشان لو أنا غلط أعتذر».