احتفى الفنان
أحمد أمين، بمرور عامين على انطلاق أولى حلقات برنامج "الفاميليا"، معربًا
عن سعادته بالنجاح الذي حققه بمعاونة فريق البرنامج.
ونشر صورة
لأحد إعلانات "الأوت دور"، للبرنامج في أحد الشوارع، معلقا عليها
قائلا:" حابب أعترف لكم إني مكنتش متخيل إن اللي بيحصل دلوقتي هايحصل بالجمال
ده.. زي اليومين دول من سنتين بدأت فكرة برنامج الفاميليا تطلع للنور.. هاشتاج #لمة_العيلة
اللي طلع صدفة كده من القلب.. وكان تحديات قررت اعملها مع نفسي على قد ما أقدرعشان
أكون أقرب لعيلتي في وسط زحمة الحياة والشغل".
وأضاف:" وقلت
أشارككم. ساعتها غسلت المواعين.. وكلمت عمتي.. وكتبت عن أبويا وأمي.. الله يرحمهم جميعاً..
وصلتني ساعتها آلاف الرسايل والكومنتات لناس بدأوا هم كمان تحدي لمة العيلة.. والتحدي
كبر بمشاركة مؤسسات مهمة وقفوا جنبي في الرحلة من ساعتها أولهم مجموعة العربي وشركة
رايم للإنتاج وكمان ويلسبرنج".
وتابع:" ودلوقتي
مع بداية الموسم الرابع من البرنامج.. الموضوع فاق توقعاتي استضفت نجوم مهمين حابب
أشكرهم زي صديقي @akramhosny
والفنانة الجميلة @maikassab .. قنوات تليفزيون حابة تعرض البرنامج.. وإعلانات
الفاميليا في الشوارع.. شكراً لفريقي اللي دايماً واقف في ضهري.. وشكراً لكل حد اشتغل
في الفاميليا.. وشكر خاص لمجموعة العربي وأصدقائي الأعزاء المنتج رامي السكري والأستاذ
ماجد فوزي والمخرج صديق الكفاح علاء إسماعيل".
واختتم:"والموسم
ده إهداء لروح الأب اللي رحل عن عالمنا قريب.. الحاج محمود العربي رحمة الله عليه..
تابعو النهاردة أولى حلقات الموسم الجديد وحلقة جديدة كل يوم جمعة على صفحة الفيسبوك
واليوتيوب وهستنى رأيكم".
