فتح الكابتن رضا عبدالعال، المحلل الرياضي، النار على كارلوس كيروش المدير الفني للمنتخب، بسبب استبعاده أفشة ومحمد شريف.
وقال عبدالعال خلال مداخلة هاتفية ببرنامج "الحكاية" المذاع عبر
فضائية "إم بي سي مصر": "هو منين كيروش شاف أحمد فتحي وياسر إبراهيم؟
شافهم في الحلم ولا في المنام؟ ولا حضر عفاريت على أي أساس انضما؟".
وأرجع عبدالعال اختيارات كيروش للخوف على شارة الكابتن
مع محمد صلاح، كما زعم أن كيروش اختار كوكا لأنه صاحب محمد صلاح وليكون رفيقه في
الغرفة، مردفا: "دول بيتفرجوا على
ميكي ماوس مش كرة، لو بيتفرجوا مايجيبش كوكا، لكنه جاب كوكا عشان حبيب محمد صلاح، المنتخب مفيهوش عمر جابر،
يجيب له واحد حبيبه يقعد معاه في الأوضة".
كما قال عبدالعال، إن محمد صلاح هو من اختار كيروش، ولهذا
جاءت اختيارات كيروش مجاملة لمحمد صلاح.
وختم: "أنا لو من الجهاز المعاون بعد هذه الاختيارات
أقدم استقالة وأمشي، إزاي أفشة أحسن لاعب كرة في الدوري، ومحمد شريف هداف الدوري،
يغيبا عن المنتخب؟ إيه الخبل والعبط أحسن اتنين في مصر ميضهمش".
