قالت السيدة بوسي سعد، إن استجابة الرئيس عبدالفتاح السيسي لمطالبها بتوفير ورشة وشقة أدخلت السعادة عليها، مضيفة: "مش مصدقة نفسي إن الرئيس السيسي كلمني، وفرحانة مش عارفة أتكلم بصراحة، وأنا شغالة حدادة في سوق الحدادين".
وتابعت، في تصريحات خاصة لقناة "إكسترا نيوز": "لقيت تليفون جالي بيقولي هاتي القناة الأولى عشان الرئيس السيسي هيتكلم معاكي، إنتي جالك شقة ومحل، فأنا قولتلها بتتكلمي بجد فقالتلي آه والله العظيم هنرن عليكى، فجبت القناة الأولى والرئيس ربنا يباركله يا رب ويخليه لنا بلغني بالخبر الجميل مش عارفة أشكره إزاي".
وأردفت: "كنا مبسوطين جدا بمكالمة الرئيس وأولادنا مبسوطين، ومن الفرحة عيطت لأنى مش مصدقة، ولم أكن أصدق أن الرئيس السيسى بيكلمنى، وهذا شرفنى جدًا، وربنا يعطيه الصحة ويخليه لمصر ودايمًا نسمع عنه خير".
